Skúli við Áir
Endamál:
Endamálið við skúlanum er at menna tínar fakligu og persónligu førleikar, so tú hevur møguleika at taka eitt 9. floks prógv, sum tú kanst fara víðari í skúla ella í læru/arbeiði.
Skúlatilboð:
Møguleiki er at byrja í fyrireikingarflokki, sum er grundarlag fyri 9. flokki ella at byrja beinleiðis í 9. flokki.
Vit leggja dent á gott samstarv og gott arbeiðsumhvørvi, har vit virða hvør annan.
Skúlin kann testa fyri orðblindni og veita undirvísing til lesi-,skrivi- og rokniveik.
Fyrireikingarflokkur:
Í fyrireikingarflokkinum verður miðað eftir at geva grundleggjandi lesi-, skrivi- og rokniførleikar.
Arbeitt verður við persónligum avbjóðingum, so næmingarnir gerast førir fyri at læra og halda fram í 9. flokki (fráfaringarroynd fólkaskúlans).
9. flokkur:
Skúlin bjóðar vanligt 9. floks prógv og fylgir undirvísingarreglunum hjá MMR. Skúlaárið endar við fráfaringarroynd fólkaskúlans í mai/juni.
Hvør kann søkja?
Ert tú yvir 18 ár og hevur tørv á 9. floks prógvi - ella hevur tørv á at betra títt 9. floks prógv, ert tú vælkomin at søkja inn á skúlan.
Skúlin eru vælegnaður til fólk við rørslutarni – og til næmingar við lættari persónligum/ sinnisligum/ sosialum avbjóðingum.
Skúlin er ikki fyri næmingar við menningartarni.
Búdeild:
Á skúlanum er ein búdeild, har 8 næmingar kunnu búgva í skúladøgunum. Búdeildin er ikki opin í vikuskiftinum og í frídøgunum
Kostnaður er kr. 2000,- um mánaðin – fyri kost og logi.
Starvsfólk skúlans stuðla næmingunum, á búdeildini, við matgerð og reingerð.
Umsókn:
Um tú hevur hug at søkja inn á skúlan, kanst tú ringa til Dugna á tlf. 350070 ella til skúlaleiðaran á 292980.
Til ber at søkja alt árið. Upptøkuviðgerð til skúlan er vanliga fyrst í apríl, og næmingar verða tiknir inn á skúlan í august á hvørjum ári.