About
Location :
Added by Jopie, at 22 April 2017
Gallery
Add missing information
2 Reviews
-
16 September 2017
متحف مصطفى كامل بميدان صلاح الدين - القلعة
أتأسس المتحف وافتُتح في إبريل عام ١٩٥٦ تخليداً لذكرى الزعيم مصطفى كامل لكن تمت سرقته - المتحف - خلال ثورة يناير واجتهدت الدولة في استعادة معظم المقتنيات وتم تجديده وافتتاحه من جديد للزوار في ٢٠١٦. المتحف مبني على الطراز الإسلامي له حديقة صغيرة وفي مدخله قاعة متوسطة الحجم موجود فيها ضريح كل من مصطفى كامل ، محمد فريد ، الأديب عبد الرحمن الرافعي وفتحي رضوان أول وزير ثقافة في مصر.
على اليمين والشمال موجود قاعتين عرض أولهم فيها مقتنيات تخص مصطفى كامل زي رسائل كتير أصلية كتبها بخط إيده لأصاقائه وذويه خلال سفره لأوروبا وبدلتين رسميتين له وعكازه وتمثالين. موجود كمان في القاعة دي بعض الصور اللي تخص عائلة مصطفى كامل وصور حقيقية لمحاكمة دنشواي ولوحات زيتية بتمثل الحادثة وبتصور الزعيم على فراش المرض. على الحائط فيه قصيدتين كتبهم حافظ إبراهيم وأحمد شوقي في رثاء مصطفى كامل.
أما القاعة الثانية ففيها صور فوتوغرافية كتير للوزير فتحي رضوان بعضها مع عائلته وبعضها مع الرئيس محمد نجيب وغيرها كتير في مؤتمرات ودعوات رسمية زائد بعض الصور من جنازة مصطفى كامل.
المتحف صغير جداً وفي غاية الأناقة والبساطة. المعروضات فيه قليلة والزيارة ممكن تاخد ربع ساعة ده مع فرض إنك هتدقق في كل صورة بتشوفها وتقرا كل رسالة موجودة. موجود في ميدان صلاح الدين بحي القلعة. ورغم إن فيه موظفة قالتلي أن التصوير ممنوع إلا إنهم - كتر خيرهم - سمحوا لي بالتصوير لما طلبت منهم الاحتفاظ بذكرى للزيارة. دخول المتحف مجاناً.response / report this review -
29 April 2017
It was closed
response / report this review
